Në kuadër të Ditës Botërore të Biodiversitetit, Administrata Rajonale e Zonave të Mbrojtura Korçë, në bashkëpunim me organizatën mjedisore PPNEA, organizoi një aktivitet edukativ me nxënësit e shkollave në fshatrat Strelcë dhe Mesmal të bashkisë Maliq.
Dita Botërore e Biodiversitetit, në fshatrat Strelcë dhe Mesmal në bashkinë e Maliqit.
Në bashkëpunim me organizatën mjedisore PPNEA, zhvilluam orët e edukimit mjedisor, gjatë së cilave nxënësit eksploruan rëndësinë e ruajtjes së mjedisit të përbashkët. Ata morën dije të vlefshme nga ekspertët për ekosistemet në vend dhe Rajonin e Ballkanit, të cilat janë habitate të shumë kafshëve të egra dhe të rralla.
🐆 Rrëqebulli i Ballkanit, vetmitari i pyjeve që është evidentuar nga kamert kurth në zonën e Valamarës, zgjoi kureshtjen dhe dashurinë e fëmijëve për natyrën dhe kafshët. 🌲🌼
Administrata Rajonale e Zonave të Mbrojtura Korçë
Fëmijët patën mundësinë të mësojnë nga afër për speciet e rralla që popullojnë pyjet shqiptare, duke përfshirë edhe rrëqebullin e Ballkanit – një simbol i biodiversitetit të rrezikuar në rajon. Aktiviteti synoi të mbjellë ndjeshmërinë e brezit të ri për ruajtjen e natyrës, përmes njohjes, përvojës dhe përfshirjes direkte në edukimin mjedisor.
Përmes këtij angazhimi, autoritetet mjedisore dhe organizatat partnere përcjellin mesazhin e qartë se ruajtja e biodiversitetit nuk është vetëm një detyrë institucionale, por një vlerë që duhet të përçohet te çdo fëmijë, në çdo fshat, në çdo cep të Shqipërisë.
