Një 34-vjeçar nga Korça është proceduar penalisht nga policia, pasi gjatë një kontrolli fizik ndaj tij u zbulua një sasi lënde e dyshuar narkotike e llojit cannabis sativa.
Sipas njoftimit zyrtar të Policisë së Korçës, Specialistët e Sektorit për Hetimin e Narkotikëve kanë referuar materialet në Prokurori, duke nisur procedimin penal për shtetasin M. Z., banues në qytetin e Korçës.
Ngjarja është regjistruar në kuadër të kontrolleve rutinë për parandalimin dhe goditjen e veprimtarive të paligjshme, ku gjatë ndërhyrjes, shërbimet e policisë kanë konstatuar lëndën narkotike në posedim të shtetasit në fjalë.
Materialet i kaluan tashmë Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme procedurale.
