Një rast vjedhjeje është denoncuar në Komisariatin e Policisë Korçë, ku një qytetare ka kallëzuar se i janë vjedhur para dhe sende me vlerë nga banesa e saj.
Sipas njoftimit zyrtar të Policisë:
“Në Komisariatin e Policisë Korçë është paraqitur shtetasja B. R., 65 vjeçe, banuese në Korçë, e cila ka kallzuar se gjatë kohës që nuk ka patur njeri në banesë, i kanë vjedhur një shumë parash dhe disa sende floriri. Po punohet për identifikimin dhe kapjen e autorit/ve.”
Ngjarja ka ndodhur në mungesë të pronarëve në banesë, ndërsa autorët e dyshuar kanë përfituar nga rasti për të hyrë dhe kryer vjedhjen. Policia është vënë në ndjekje të autorit ose autorëve dhe ka nisur hetimet për zbardhjen e plotë të rrethanave.
Ndërkohë, autoritetet u bëjnë thirrje qytetarëve të denoncojnë çdo rast të ngjashëm apo lëvizje të dyshimta për të ndihmuar në parandalimin e ngjarjeve të tilla dhe për të rritur sigurinë në komunitet.
