Sot pritet që Partia Socialiste të konfirmojë emrat e 13 kandidatëve në listat e 11 majit. Në media, ditëve të fundit, janë përmendur disa emra edhe nga qyteti i Pogradecit. Më herët, burime brenda PS-së na bënë të ditur se sugjerimet nga baza kanë qenë emrat e Bledi Çomos dhe Sotiraq Mangëri. Ndërsa nga platforma “Deputeti që Duam”, i përfolur ka qenë emri i Andi Shkirës, i cili ka një karrierë në kryeqytet dhe nuk ka mbështetjen e bazës. Megjithatë, së fundmi, ai është parë i afërt me kryeministrin Rama.
Vetëm në këto orë të fundit, duket se surprizë është emri i mjekut pogradecar Erjon Thëngjilli, i cili njëherazi është edhe drejtuesi i degës së PS-së në Pogradec.
Një burim i PogradeciPress tha se emri i Thëngjillit po ashtu është hedhur në tryezën e diskutimit, e cila do të mbahet ditën e sotme në kryeqytet.
Nuk dihet saktësisht nëse Pogradeci do të ketë 1 apo 2 kandidatë në listën e të majtëve
