Për Dashmir Kosturin, bletaria nuk është vetëm një profesion, por edhe një dashuri që ai e lidh ngushtësisht me Korçën dhe klimën e saj të mrekullueshme.

Me një përkushtim të jashtëzakonshëm, ai kujdeset për çdo detaj të këtij procesi të ndërlikuar, që është po aq i bukur sa dhe i vështirë.

Dashmiri, sot menaxhon 250 koshere bletësh në fshatrat e Vithkuqit dhe Libonikut, duke vazhduar traditën e lashtë të Korçës në bletari. Për atë, çdo koshere është simbol i mundit dhe dashurisë për bletët e natyrën dhe çdo produkt që ai prodhon është një pasqyrë e përkushtimit të tij të palëkundur, madje është vlerësuar edhe me një certifikatë zyrtare, duke dëshmuar se mjalti që prodhon është ndër më të mirët.

Si çdo bletë që punon për të krijuar mjaltin e saj, edhe korçarët, me mundin dhe dashurinë e tyre për punën, arrijnë të krijojnë diçka të vërtetë, të vlefshme dhe të qëndrueshme.