Fundi i muajit janar ka shtuar numrin e rasteve të fëmijëve me viroza që paraqiten në Pediatrinë e Spitalit Rajonal të Korçës. Mbi 60 raste të fëmijëve me simptoma gripi regjistrohen brenda 24 orëve në këtë repart, ndërsa numri i shtrimeve është mbi 18 fëmijë në ditë, të cilët paraqiten me gjendje më të rënduar të gripit dhe kanë nevojë për kujdes spitalor, raporton Robert Rado, shefi i Pediatrisë në Spitalin Rajonal Korçë.
Mjeku i Spitalit të Korçës u bën thirrje prindërve të shmangin prezencën e fëmijëve në vende me grumbullime. Nga ana tjetër, kur gripi manifestohet me temperaturë të lartë, rekomandohet shmangia e dërgimit të fëmijëve në shkollë apo kopshte. Në fazat e para, këshillohet përdorimi i antipiretikëve si paracetamoli.
Rastet me virozat e stinës janë shtuar edhe në qytetin e Pogradecit, ku në pediatrinë e spitalit regjistrohen po ashtu rreth 60 vizita ditore. Mjekët rekomandojnë paraqitjen tek mjeku i familjes dhe në spital për rastet e fëmijëve me viroza, veçanërisht kur nuk ka përmirësim të gjendjes shëndetësore gjatë ditëve të para
