- Advertisement -
Në majën e Mashkullores në Panarit, trashësia e dëborës ka arritur deri në 1.5 metra, ndërsa në disa vende, për shkak të erës dhe akumulimeve, arrin deri në 2 metra.
Sipas informacionit të dhënë nga autoritetet lokale, mjetet borëpastruese kanë punuar pa ndërprerje për pastrimin e rrugëve dhe mundësimin e kalimit të mjeteve.
Borëpastrueset kanë arritur të zhbllokojnë rrugën, por kalimi është i mundur vetëm me zinxhirë, të cilët janë të domosdoshëm në këtë segment.
Për ata që janë të detyruar të udhëtojnë drejt fshatit Panarit, autoritetet u bëjnë thirrje shoferëve të tregohen të kujdesshëm dhe të respektojnë udhëzimet për përdorimin e zinxhirëve dhe mjeteve të tjera të nevojshme.
