- Advertisement -
Një hangar është përfshirë nga flakët në fshatin Dardhë mëngjesin e kësaj të marte. Zjarri ka përfshirë një ambient që përdorej për mbajtjen e materialeve shtëpiake, të cilat janë djegur totalisht. Bëhet e ditur se zjarri ka nisur rreth orës 4 të mëngjesit.
Pranë kësaj zone ndodheshin edhe banesa të banuara, por ndërhyrja e zjarrfikëses në kohë ka bërë të mundur shuarjen e plotë të zjarrit, duke shmangur djegien e banesave përreth. Sipas të dhënave paraprake, dyshohet se zjarrvënia ka qenë e qëllimshme. Ndërkohë, policia po heton rrethanat e kësaj ngjarjeje.
