2336 studentë në Universitetin e Korçës kanë nisur sot vitin e ri akademik. Deri më sot, 490 studentë janë regjistruar në këtë universitet, të cilët do të ulen për herë të parë në 4 fakultetet e tij. Sipas të dhënave, janë regjistruar 40 studentë më pak se vitin e kaluar.
Programet më të preferuara mbeten infermieria, mamia, inxhinieria IT – një degë e hapur për herë të parë këtë vit – dhe edukimi fizik. Ndërkohë, degët që kanë parë një interes më të ulët nga studentët janë degët e mësuesisë dhe bujqësisë.
Ekonomiksi, në Fakultetin e Ekonomisë, që prej 3 vitesh nuk ka regjistruar asnjë student, pritet të mbyllet me vendim të Senatit. Ndërsa programi i Shkencave Politike, i riorganizuar për herë të parë, nuk ka tërhequr interes të madh nga studentët, pasi aktualisht janë regjistruar vetëm tre studentë.
Regjistrimet pritet të vazhdojnë edhe në fazën e tretë, ku, sipas autoriteteve të universitetit, pritet që numri i studentëve të regjistruar të rritet.
