Zhvillohet në Shqipëri për të 10-in vit radhazi NASA SpaceApps Challenge, ku këtë vit, për herë të parë, ky konkurs është zhvilluar në qytetin e Korçës. 70 mijë të rinj marrin pjesë nga e gjithë bota, prej të cilëve 60 vijnë nga Shqipëria.
Ndryshe nga vitet e tjera, kur ky konkurs është zhvilluar në kryeqytet, sipas Hatixhe Bilibashi, këtë vit erdhën në Korçë për të përfshirë edhe të rinjtë korçar, duke dhënë idetë e tyre në lidhje me zgjidhjet që NASA kërkon për sfida të ndryshme.
Bilibashi tregon se këtë vit janë 20 sfida që lidhen me planetet, hapësirën dhe ruajtjen e energjisë, ku kërkohen zgjidhje nga këta të rinj.
Blendi Avdolli, fitues i medaljes së artë, tregon për eksperiencën e tij në këtë konkurs, duke shprehur se ka 7 vite që punon në gjuhën e programimit.
Të rinj nga e gjithë Shqipëria do të japin zgjidhjet e tyre për 20 sfida dhe do të konkurrojnë me rreth 70 mijë të rinj nga e gjithë bota.
