Burimi: Shqiptarja.com
Në Korçë u mbajt mbrëmë nata e parë e Festivalit të Serenatave, ndërsa për të gjithë dashamirësit e kesaj muzike sonte zhvillohet nata e dytë. Festivali i Serenatës feston bukurinë dhe romancën e serenatave, traditë për të cilën Korça është e njohur dhe kërkon të ruajë trashëgiminë e saj kulturore.
Në qytetin e bukur të serenatave po zhvillohet “Korça Serenights Festival”. Emblemat e muzikës korçare, që i kanë kushtuar jetën serenatave të bukura në rrugicat me kalldrëm përcollën emocione të jashtzakonshme mbrëmjen e së premtes.
Serenatat korçare janë më shumë se një traditë, ato janë një formë e veçantë shprehjeje dhe rrëfejnë histori dashurie, jete dhe tradite.Ardhur në këtë formë edhe sot serenatat ngjallin interes të veçantë edhe për të rinjtë.I tillë është rasti i Harmonia Band që performoi për publikun artdashës korçar në ambjentet e muzeut arkeologjik.
Jo vetëm në muzeun arkëologjik por festivali u zhvendos edhe në pazarin e vjetër me performancën e jashtzakonshme të vëllezërve Prifti.