Çelet në qytetin e Maliqit për të 17-in vit radhazi “Festa e Ëmbëlsirave”. Dikur kjo zonë njihej për kombinatin e sheqerit, ndaj banorët e ruajnë me fanatizëm këtë traditë të veçantë duke gatuar ëmbëlsira tradicionale me produkte të embla.
Kryetari i bashkisë së Maliqit thekson se përmes nismave të tilla synohet promovimi i qytetit, me qëllim ta kthejnë atë në një atraksion turistik.
Kësaj feste tradicionale i janë bashkuar edhe prefekti i qarkut, Nertil Jole, dhe kryetari i bashkisë së Korinthit, Nikos Stavrelis. Stavrelis shpjegon se të dyja bashkitë kanë një marrëdhënie disa vjeçare dhe po punojnë për binjakëzimin. Pjesëmarrja e përbashkët në këto aktivitete promovon jo vetëm vlerat, por edhe shkëmbimin e kulturave.
Kjo festë, e organizuar për të 17-in vit, mblodhi së bashku banorë dhe vizitorë të shumtë që shijuan ushqimet tradicionale të zonës së Maliqit.
