Për herë të parë u mbajt Festa e Koranit në qytetin e Pogradecit, dedikuar species endemike që gjendet në liqenin e Ohrit.
Olsi Çekiçi tregoi se këtë vit, për herë të parë në 30 vitet e fundit, kemi një numër rekord të hedhjes së rasatit të koranit, me një shifër prej 1 milion e 840 mijë.
Në këtë aktivitet mori pjesë edhe kryetari i Bashkisë Pogradec, Ilir Xhakolli, i cili ndau më shumë detaje për kalendarin e aktiviteteve të zhvilluara në qytet. Ndërkohë, ai u shpreh se sezoni turistik ishte i suksesshëm dhe, si shumë qytete të tjera, Pogradeci do të vazhdojë me turizmin katër stinor.
Shumë restorante, në stendat e tyre, ofruan ushqime tradicionale të zonës me bazë koranin.
Në orët e para të mëngjesit, kjo festë nisi me hedhjen e rasatit në liqen, ndërkohë aktiviteti vazhdoi me muzikë dhe ushqime të shumta për pjesëmarrësit.
