Nga Redi Dandallaku/ Sot është 5-vjetori i ndarjes nga jeta i këngëtarit të mirënjohur pogradecar të këngës popullore qytetare, Festim Bajramo.
Festimi ka qenë një nga zërat më të spikatur, më të bukur dhe përveçse artist, njeri modest dhe i mirë.
Ka dhënë kontribut maksimal në pothuajse të gjitha aktivitetet kulturore duke filluar që në moshë të re me estradën e qytetit, pjesëtar i Ansamblit Driloni dhe Koral, pjesëmarrës në festivale kombëtare dhe ndërkombëtare si në Gjirokastër, Elbasan, Sazet e Korçës, Ohër, Strugë, etj..
Fitues i çmimit të karrierës në Elbasan dhe çmimit laurant në Gjirokastër.
Edhe pse i dha shumë artit pogradecar, ai ndërroi jetë si i papunë pa marrë vlerësimin moral por edhe atë financiar pasi i takonte sepse kishte kontribuar për dekada të tëra!
Ike i ri në moshë, keqardhje që zëri yt nuk jehon më në veshin e bashkëqytetarëve!
