Zjarre të mëdha janë shfaqur prej 3 ditësh në Malin e Thatë, kryesisht në territorin e Maqedonisë. Por, së fundmi, flakët e përmasave të mëdha kanë kaluar edhe në territorin shqiptar dhe rrezikojnë përhapjen në pyjet e Parkut Kombëtar të Prespës. Dhjetra punonjës të zjarrfikëses, të zonave të mbrojtura dhe të Bashkisë së Pustecit janë angazhuar për të mbajtur nën kontroll flakët që po i afrohen zonës pyjore. Sot më herët, për të lokalizuar vatrat e zjarrit janë angazhuar edhe helikopterë. Sipas informacioneve paraprake, aktualisht nga flakët është përfshirë bimësia e ulët, por era favorizon zjarrin, i cili rrezikon të përfshijë sipërfaqe të Parkut Kombëtar të Prespës. Përveç trupave shqiptarë, edhe përtej kufirit janë angazhuar shërbimet e shtetit fqinj. Vetëm sot 3 helikopterë, prej të cilëve një nga Shqipëria ishin në terren.
Pogradecipress.al është një platformë mediatike e themeluar dhe menaxhuar nga një grup gazetarësh dhe punonjësish në media. Kjo media bazohet në kodin etik të gazetarisë dhe informacionet apo burimet janë të konfirmuara. Pogradecipress është një media e vetëfinancuar dhe e pavarur, e cila operon në të gjithë rajonin Juglindor të Shqipërisë. Tek ne gjeni një dritare informimi me korrektësi, përgjegjësi, saktësi dhe shpejtësi, gjithashtu një media ku mund të ngrini zërin tuaj.
Na kontaktoni në rrjetet sociale:
