- Advertisement -
Pogradeci gjate sezonit veror mbetet një nga zonat kryesore të plazheve të frekuentuara. Numri i pushuesve sidomos fundjavave është tepër i lartë dhe arsyet pse zgjedhim plazhin e Pogradecit janë cmimet e uleta në krahasim me jugun, klima e freskët dhe kulinaria.
Disa prej qytetarëve të ardhur nga vendet e ndryshme të Shqipërisë shprehen se Pogradeci është shumë mikpritës dhe se ata e zgjedhin këtë destinacion cdo vit.
Sipas të dhënave nga subjektet e hotelerisë fundjava është e rezervuar 100%, ndërsa të pakta janë ambjentet e akomodimit të parezervuara përgjatë gjithë muajit Korrik dhe Gusht. Të njëjta burime konfirmojnë se më të shumtë këtë vit janë pushues nga Tirana, Elbasani, Durrësi dhe zonat e veriut.
