17 Maji, Dita Botërore e Hipertensionit !
Në zonën këmbësore të qytetit është ngritur një stendë nga njësia vendore e kujdesit shëndetësor Korçë, ku kalimtarë të rastit ndalonin për të matur tensionin, diabetin dhe saturimet, ose ndryshe siç njihet oksigjeni në gjak.
Qëllimi i kësaj dite është ndërgjegjësimi i popullatës lidhur me presionin e gjakut.
Rritja e presionit të gjakut është rreziku kryesor për vdekjen dhe paaftësinë në nivel botëror, kjo evidentur sipas studimit të Barrës Globale të kohëve të fundit të sëmundjeve dhe e theksuar nga Organizata Botërore e Shëndetësisë.
Një nga pengesat kryesore për kontrollin efektiv të hipertensionit është thjesht se, njerëzit nuk janë të vetëdijshëm nëse tensioni i gjakut të tyre është i lartë.
Kalimtarët e rastit ishin përgjithësisht nga mosha e tretë, por nuk mungonin dhe të rinjtë, të cilët dëshironin të informoheshin mbi parametrat e trupit të tyre.
