Burimi: Korca Boom
Fotoja që shikoni më poshtë është trofeu i këtij sezoni, trofe që do ta fitojë një mes Skënderbeut, Partizanit, Egnatias, apo Vllaznisë.
Nëse do të pyesësh presidentin Ardjan Takaj sa shanse ka Skënderbeu ta fitojë dhe ta bëjë të vetin, përgjigjja është që e duam këtë titull kampion.
Nëse e pyet trajnerin Ivan Gvozdenoviç, padiskutim që të thotë dhe e ka thënë që do të luftojmë ta sjellim trofeun në Korçë.
Nëse pyet lojtarët edhe ata të japin të njëjtën përgjigje, ndërkohë që edhe tifozët thonë se e duam këtë trofe.
A do të mundet Skënderbeu ta bëjë të vetin trofeun që po sjellim sot?!
Kjo mbetet për t’u parë. Shanset janë, por duhen fituar edhe dy ndeshje dhe e para është nesër ndaj Partizanit.
Në juglindje kanë kohë që nuk e provojnë shijen e trofeut të titullit. Qoftë e hajrit këtë herë kjo e sezonit 2023-2024!
