I gjithë rajoni Juglindor në sektorin e Bujqësisë po përballët me mungesën e punonjësve. Kjo situatë e paraqitur ka krijuar shumë probleme tek fermerët sidomos në sezonet e vjeljes së produktit bujqësor. Konkretisht kur na ndajnë vetëm 2 javë nga vjelja e Qershive në Dvoran të Korçës, kultivuesit e mëdhenj thonë se nuk po gjejnë punëtorë pasi këta të fundit shkojnë në Greqi apo në vende të tjera evropiane.
Kultivuesit thonë se ata paguajnë nga 2000-2500 lekë në ditë për punonjësit, ndërsa në shtetin fqinj, punonjësit paguhen deri në 80 Euro në ditë.
Sipas fermerëve, sot mungon rreth 50% e fuqisë punëtore që duhet, ndërsa prodhimet ashtu si dhe vitin e shkuar rrezikojnë të kalben në pemë.
Të dhënat zyrtare tregojnë se në Juglindje në dy vitet e fundit ka ulje dhe të fermerëve aktivë me NIPT, të cilët veç të tjerave problem kanë dhe gjetjen e fuqisë punëtore.
