Trajneri i liqenorëve Samuel Nikaj ka arritur një sukses me këtë ekip duke e ngritur një kategori më lart. Tashmë ai dhe ekipi i tij do të luajnë ditën e premte edhe ndeshjen finale me Valbonën për të mësuar se cila skuadër do të jetë kampione.
Në planin personal duket se në drejtim të Nikajt kanë filluar ofertat dhe Pogradeci është ekipi i parë që kërkon bashkëpunimin.
Për këtë gjë Nikaj deklaron: “Kam pasur një ofertë nga një ekip i kategorisë së dytë në Çeki, por përgjigjja ime ka qenë jo.
Kjo ishte përgjigjja për momentin që lidhet më faktin e komunikimit. Unë dua që të kuptohem nga futbollistët e mi dhe motivimin e ekipit dua ta bëj drejtpërdrejt dhe jo me përkthyes.
Gjithsesi, gjithçka mund të ndodhë në vazhdim.”
Nga ana tjetër Nikaj nuk e fsheh aspak faktin që edhe drejtimin e Vllaznisë, ekipit të tij të zemrës do ta dëshitonte një ditë.
