Komuniteti ungjillor në Korçë feston Pashkën
Rreth 2000 besimtarë të kishave ungjillore në juglindje të vendit kanë festuar ditën e sotme në ambientet e “Qytezës së Fëmijëve” festën e Pashkës.
Ka qënë ish këshilltari i presidentit Ronald Reagan e njëkohësisht autori i 70 librave Erwin Lutzer ai i cili ka drejtuar ceremoninë e sotme, duke dhënë mesazhin për të pranishmit se Pashka është më tepër se një festë, është momenti i reflektimit dhe besimit në Jezu Krisht. Lutzer ka vijuar me tej teksa ka kërkuar besimtarëve të pranishëm të jenë shembull për botën e të jetojnë jetën nën vullnetin e Zotit.
Nga ana tjetër pastori i kishës Ungjillore Libonik – Maliq Plator Çollaku ka treguar se rrënjët e komunitetit ungjillor kanë nisur qindra vite më parë, me një kontribut të veçantë në edukimin e brezave e ndërsa ka uruar besimtarët për Pashkë të bardhë në zemrat e tyre
Ungjillorët e juglindjes së Shqipërisë kanë festuar sot Pashkën me thirrjen “Krishti u ngjall”
