Ishte planifikuar që këtë verë të zhvillohej F1 H2O në liqenin e Ohrit, kjo si një kërkesë e pushtetit vendor e pa konsultuar më parë me UNESCO-n. Por menjëhërë pas daljes së lajmit, kanë reaguar institucionet në Maqedoninë e Veriut dhe organizatat mjedisore në Shqipëri, por edhe pse finalia e F1 H2O ishte publikuar si datë e konfirmuar në faqen e organizatorëve, mësohet se së fundmi ajo është hequr duke nënkuptuar pezullimin e aktivitetit. Lajmin e ka bërë të ditur ditën e djeshme, eksperti i Mjedisit Arian Merolli në tryezën për kundështimin e ligjit të Zonave të Mbrojtura të mbajtur në Pogradec.
Organizatat mjedisore e kundërshtuan këtë aktivitet për shkak të dëmit dhe ndotjes në mjedisin e Liqenit të Ohrit që shkaktohej nga mjetet ujore të garave.
