Burimi: Korça BOOM
Skënderbeu-Vllaznia dy skuadrat e momentit në superligë, fiton Vllaznia. Skënderbeu në këtë mënyrë bie pas atij momenti të jashtëzakonshëm që ishte duke kaluar dhe humbet në shtëpi përballë shkodranëve që fitojnë nga pika e bardhë. Një humbje që bardhekuqtë nuk e meritonin, por ja që futbolli i tillë është.
Minutat e para janë të mira për Vllazninë që ushtron presion në zonën e Skënderbeut, madje për rreth 6 minuta, por pa rrezikuar portën e Marko Alia.
Pas presionit të Vllaznisë, Skënderbeu kundërpëgjigjet me Nikaj me dy momente të mira, por edhe Skënderbeu nuk mund të jetë i rrezikshëm.
Terreni është rëshkitës dhe të dy skuadrat kanë kujdes mos gabojnë, ndërkohë që në minutën e 14-të rastin e parë e kanë miqtë me anë të Grudës, por nuk lejon Marko Alia.
30 minutat e para janë të qeta dhe pa raste, ndërkohë që loja duket se është e ekulibruar
Randi për Skënderbeun dhe Balaj për Vllazninë, të dy lëshojnë predha në portë, por në të dy rastet topi përfund jashtë kuadratit të portave respektive.
Një pjesë e parë që duket më shumë se e kujdesshme dhe pa shumë rrezik në portat përkatëse.
Pas minutës së 30-të duket se loja flet për Skënderbeun. Gerco ka një rast të artë shënimi por gjuan jashtë, ndërkohë që 10-të minuta nga fundi Skënderbeu fal Vllazninë. Rashica i vetëm nuk shënon, pasi Vllaznia ka një portier të talentuar si Jukaj që e kap topin me këmbë dhe shpëton portën nga një gol të sigurtë.
45 minutat e para mbyllen në barazimin 0-0.
Pjesa e dytë pas 4 minutash lojë fillon me një rast të pastër për Skënderbeun, ku Rashica bën më të vështirën. Përballë portierit mik bën më të vështirën gjuan me parabol dhe ia hedh topin në dorë Jukajt. Shpëton porta e Vllaznisë.
Në minutën e 59-të Skënderbeu ka shënuar golin e parë me një goditje me kokë në zonë të Marko Ramos, por është gjyqtari që ndërhyn më pas dhe ndal festën e Skënderbeut, pasi topi u prek me dorë nga Ramos. Ndalet festa e Skënderbeut.
Atë që se bëri dot Skënderbeu e bën Vllaznia që me anë të VAR shikon një prekje të topit në zonën e Skënderbeut dhe 11-metërsh. Është Balaj që tregohet i saktë dhe 0-1 për Vllazninë
Pas minutës së 71-të Skënderbeu përpiqet, por nuk është i saktë, ndërkohë Shaqe dhe Rabiu që godet shtyllën janë dy rastet e arta në fund, por pa sjellë ndryshim. Fiton Vllaznia 0-1.
