- Advertisement -
Rektori i Universitetit “Fan S. Noli”, prof. dr. Dhimitri Bello dhe drejtues të tjerë të Universitetit morën pjesë në takimet që ministrja e Arsimit dhe Sportit Ogerta Manastirliu zhvilloi me rektorë, dekanë dhe pedagogë të degëve Gjuhë-Letërsi, Matematikë, Shkencat e Natyrës, si dhe të Arsimit Fillor e Arsimit Parashkollor.
Në takime u diskutua për planin e përbashkët të punës për fillimin e trajnimeve të mësuesve, bazuar mbi Planin Kombëtar të Zhvillimit Profesional, si dhe kontributin e departamenteve dhe qendrave të formimit dhe edukimit të vazhduar, në kualifikimet afatgjata të mësuesve dhe përmirësimin e kornizës kurrikulare.
