- Advertisement -
Sic ishte lajmëruar, u zhvillua protesta në fshatin Zvirinë të bashkisë së Maliqit. Fermerët kryesisht grumbulluesit e mollës thanë se vetëm 20% e prodhimit të tyre shitet në treg, ndërsa produkti nga Greqia dhe Serbia po konkuron ndjeshëm.
Bujar Muco nga Shoqata e Biznesit të Vogël dhe të Mesëm thotë se mbi 20 mijë ton mollë janë mbetur pa shitur në të gjithë qarkun e Korçës. Fermerët shprehin shqetësimin e tyre dhe thonë se duan masa nga qeveria për të rregulluar tregun dhe për të përmirësuar konkurrencën.
Protesta u shoqërua me problematika, por fermerët paralajmërojnë për bllokimin e rrugëve nëse kërkesat e tyre nuk merren parasysh.
