Jemi në punë me të gjitha kapacitetet
24 orët e fundit janë shoqëruar me një mot tepër të ashpër në të gjjthë rrethin e Pogradecit duke shkaktuar edhe problematika si pasojë e rreshjeve me intesitet të konsiderueshëm të dëborës dhe me temperatura që gjatë natës arritën deri në -11 gradë.
Përgjatë gjithë ditës së djeshme Shtabi i Emergjencave, Policia Bashkiake, Ndërmarrja e parqeve, Ndërmarrja e Infrastrukturës Publike dhe Oshee, firma e pastrimit kanë qenë në terren për të zgjidhur çdo problematikë të mundshme.
Edhe sot vijon puna në të gjithë territorin për të sjellë normalitetin. Qyteti është i aksesueshëm me të gjitha rrugët kryesore, po punohet në rrugët e brendshme me pastrim dhe kriposje, gjithashtu edhe trotuarët në rrugët kryesore janë të hapura, vijon puna në pjesë të tjera të qytetit.
Si pasojë e stuhisë me erë ka pasur rrëzime pemësh e shtyllash shoqëruar me shkëputje të energjisë elektrike edhe për këto raste punonjësit e parqeve dhe Oshee kanë qenë dhe janë në gatishmëri të plotë.
NMI është duke ndërhyrë me mjetet që disponon në çdo rrugë kryesore të Njësive Administrative, si Proptisht, Velçan, Trebinjë, e Dardhas, ku krahas pastrimit të dëborës bëhet edhe kriposje. Ndërkohë që ndërhyrje po bëhen edhe në Buçimas, Çerravë e Udënisht.
Kërkojmë mirëkuptimin e çdo qytetari dhe banori në kushte të tilla të motit, apelojmë që të shmangen daljen e pa nevojshme dhe për çdo rast emergjent të kontaktojnë me kryepleqtë e fshatrave, administratorët ose numrat e emergjencës së policisë dhe zjarrfikëses.
Ne po vijojmë punën me kapacitete të plota për të bërë të mundur hapjen e çdo rruge dhe lidhjen e tyre me qendrat e njësive adminsitrative në një kohë kur në shumë zona dëbora i ka kaluar 50 cm.
Falenderojmë të gjjthë punonjësit e të gjitha drejtorive që përtej kushteve dhe temperaturave kanë qëndruar në çdo kohë në gatishmëri pa orar.
Numrat e emergjencës:
112, 126, 127, 128, 129
Administratorët:
Pogradec +355692096216
Proptisht +355695390669
Trebinjë +355692616069
Velçan +355696451064
Udënisht +355692725575
Buçimas +355697506755
Çerravë +355693576884
Dardhas +355685126780
