Fshati Petrushë në Pogradec përballet më infrastrukturë të amortizuar. Sikur të mos mjaftojnë ndërhyrjet nga bashkia për mirëmbajtje, së fundi rrugët janë dëmtuar nga ndërtimi i një ujësjellësi, i cili ka nisur, por nuk dihet se kur do të përfundojë.
Petrusha është një nga fshatrat e bashkisë Pogradec, e cila ndër vite ka pasur problematika për sa i përket infrastrukturës, ujësjellësit dhe kanalizimeve të ujërave të zeza.
Investimi i vetëm në fshat i cili ende nuk është finalizuar është ujësjellësi.
Sipas banorëve projekti i nisur qëndroi pezull për rreth 2 vite ku nga investimi i ujësjellësit edhe infrastruktura e rrugës pësoj amortizim për shkak të ndërhyrjeve.
Problematikë, e cila ende nuk ka gjetur zgjidhje, thonë banorët, janë kanalizimet e ujërave të zeza. Ujërat e zeza dalin në sipërfaqe në kanalet anës rrugës duke sjellë aroma të pakëndshme dhe rrezik sëmundjesh.
