U bë tashmë kohë që Partia Demokratike e Pogradecit ashtu si dhe qendra janë të përçara. Por duket se të dyja drejtimet e PD-së po hecin në të njëjtën rrugë, pranë pushtetit lokal. Prej disa muajsh Partia e Saliut në Pogradec, është me drejtues të komanduar pasi i zgjedhuri ka kaluar oqeanin për të mos u kthyer më. Ndërkohë letargjia e kësaj cope të partisë, arsyetohet nga disa lëvizje të fundit, ku zyrtarëve të PD Pogradec i janë ofruar ofiqe pranë pushtetit vendor dhe nuk reagojnë më për asnjë problematikë edhe pse së fundmi ato kanë qënë të shumta.
Ndërsa PD-ja e vulës është katandisur me disa vulëhumbur të cilët ndryshe nga të parët që kanë heshtur, këta mbajnë një marrëdhënie të ngrohtë me pushtetin. Edhe pse bëjnë sikur e kritikojnë, janë të gatshëm që edhe në Këshill të votojnë propozimet e bashkisë. Opozita tashmë në Pogradec po kryhet nga persona që nuk e kalojnë numrin e gishtave të dorës. Pasi opozitarët e përçarë, kanë të njëjtin hall! Ata duan vetëm disa kocka dhe pastaj jovetëm që vegjetojnë por edhe që të jenë të gatshëm t’i përgjigjen thirrjes së të majtëve në Pogradec.
Në këtë grup të PD-së nuk bëjnë pjesë veç disa të rij të cilët i janë bashkuar çdo thirrje qytetare dhe kanë reaguar kundër pushtetit në Pogradec në çdo rast.
