Pogradecipress.al ka përzgjedhur këtë fundvit 15 figura, të cilat janë me prejardhje nga qyteti ose kanë kontribuar në Pogradec. Duke njohur kontributin e tyre shumëvjeçar në shërbim të detyrës apo në fokus të promovimit të qytetit, në vendet ku punojnë dhe jetojnë, janë përzgjedhur me kujdes 15 personazhe nga fusha dhe profesione të ndryshme. Padyshim ata gjatë vitit 2023 kanë lënë gjurmë nëpërmjet veprimtarive të tyre publike, si dhe kanë qenë reklamuesit më të mëdhenj të qytetit.
Me krenari Pogradecipress.al bën publik lisën e 15 personazheve, së bashku me një përshkrim të shkurtër. Saktësojmë që rradha është sipas alfabetit, ndërsa individët sipas redakisë së Pogradecipress.al konsiderohen të gjithë si “Personazhet e Vitit 2023”
- Adrian Anastasi
- Afroviti Gusho
- Alma Angjo
- Anastas Kostandini (TASO)
- Arbër Male
- Ardian Fezollari
- Arnold Geiger
- Bajram Fezollari
- Ermira Babaliu
- Fatos Olldashi
- Ilir Shyta
- Ledjan Zeqollari
- Luan Topçiu
- Mateo Yskollari
- Pandeli Pasko
1- Alma Angjo
Alma Angjo është një ndër personazhet më të rëndësishëm të sportit në qytetin e Pogradecit, për vitin 2023. Kontributi i Angjos në fushën e lojës ka qenë i lidhur drejtë me jetën e lojtarëve, ku gjatë karrierës së saj i’a ka dalë të shpëtojë nga vdekje 3 lojtarë, rasti i fundit ndodhi gjatë vitit 2023. Gjithashtu, zysh Alma siç e njohin në Pogradec, është një ndër mësueset më të dashura të edukimit fizik, e cila ka shërbyer në disa shkolla. Padyshim Alma Angjo është një nga personazhet më të rëndësishëm të vitit 2023 në Pogradec, sipas Pogradecipress.al
2- Afroviti Gusho
Afroviti Gusho prej vitesh njihet si një ndër aktivistet kryesore të shoqërisë civile, e cila nëpërmjet shoqatës “Unë Gruaja” i’a ka dalë të advokojë gjatë vitit 2023 qindra çështje dhe kauza kundër dhunës në familje dhe dhunës ndaj grave. Gusho meriton që të konsiderohet si një ndër personazhet më të rëndësishëm të vitit 2023 në qytetin e Pogradecit, sipas Pogradecipress.al
3- Arbër Male
Arbër Male që prej vitit 2023 do të jetë përfaqësues i qytetarëve në Këshillin Bashkiak Pogradec dhe që në fillim të mandatit, pagën e tij do ta drejtonte tek familjet në nevojë. Nga ana tjetër gjatë kësaj kohe ka dhënë kontribut të vazhdueshëm personal në investime publike dhe ka qenë një zë i fortë përfaqësues në Këshillin e Pogradecit. Në qytet ai konsiderohet si personi që ktheu frymën opozitare në debatin publik, për Pogradecipress.al Arbër Male do të konsiderohet padyshim si një ndër personat më të rëndësishëm në jetën publike për vitin 2023 në qytetin e Pogradecit.
4- Ardian Fezollari
Ardian Fezollari është fotograf edhe zyrtar i lartë në strukturat e Policisë së Shtetit. Nëpërmjet artit të fotografisë ai ka marrë disa çmime të ndryshme, por në fokusin kryesor ka promovuar vlerat e qytetit të Pogradecit dhe ka dhënë një kontribut të rëndësishëm nëpërmjet artit të fotografisë. Duke matur popullaritetin e tij, Pogradecipress.al ka vendosur që Fezollari të jenë një ndër personazhet e vitit 2023.
5- Ledjan Zeqollari
Ledjan Zeqollari është një tjetër personazh, i cili në vitin 2023 i’a ka dalë të promovojë vlerat historike të qytetit të Pogradecit, nëpërmjet dokumentacioneve arkivore historike. Fotografi të ekspozuara për herë të parë dhe mjaft dorëshkrime me rëndësi, janë publikuar nga studiuesi Ledjan Zeqollari përgjatë 2023-shit dhe kanë bërë krenar për historinë e gjatë Pogradecin. Duke konsideruar popullaritetin dhe veprimtarinë e tij, Pogradecipress.al ka vendosur ta konsiderojë atë si një ndër personazhet e vitit 2023.
6- Mateo Yskollari
Mateo Yskollari është një ndër të rinjtë të cilët, ka kontribuar me aktivitete dhe pjesëmarrje të shumta duke promovuar vlerat e të rinjëve Pogradecar. Gjithashtu Yskollari edhe në qytetin e Tiranës i’a ka dalë të kthehet në një aktor të rëndësishëm në shoqërinë civile duke ngritur shpesh herë kauza në shërbim të të rinjve dhe studentëve. Yskollari vijon veprimtarinë e tij me të tjerë të rinj Pogradecarë si Rigers Xhemollari, Migen Qiraxhi, Eridion Maçolli dhe Kristi Mukollari. Pogradecipress.al e konsideron atë si një ndër të rinjtë më aktivë të vitit 2023, i cili ka mbajtur me vete prejardhjen Pogradecare.
7- Adrian Anastasi
Adrian Anastasi padyshim mbetet një ndër personazhet kryesore të vitit 2023 në qytetin e Pogradecit, edhe pse nuk është banor i këtij qyteti. Gjatë këtij viti grupi i arkeologëve të drejtuar nga Prof.Dr. Ardiani, arriti të zbulojë një ndër vlerat më të rëndësishme historike europiane. Palafitet më të vjetra të gjendura në Lin. Zbulimi bëri xhiron e botës dhe promovoi Pogradecin. Më se i merituar është fakti që Ardian Anastasi përfshihet në listën e personazheve kryesore të Pogradecit për vitin 2023.
8- Fatos Olldashi
Mjeku Neurokirurg, Fatos Olldashi është një tjetër personazh i vitit 2023 në qytetin e Pogradecit. Dr. Fatos Olldashi, me një eksperiencë mbi 20 vjeçare në fushën e diagnostikimit dhe trajtimit të patologjive neurokirurgjikale dhe specializime të shumta të kryera në Hollandë, Danimarkë dhe SHBA, ka ofruar dhe vijon të ofrojë shërbimet e tij në një sërë institucionesh spitalore prestigjioze (publike dhe private), ku edhe numëron realizimin e mijëra ndërhyrje neurokirurgjikale, duke ju dhënë zgjidhje mjekësore optimale të gjithë pacientëve të tij. Olldashi bashkë me mjekë të tjerë si Jovan Basho dhe Xhevair Hoxhallari, promovojnë vlerat e larta të Pogradecit në vendet ku punojnë.
9- Bajram Fezollari
Bajram Fezollari është një ndër biznesmenët Pogradecar më të suksesshëm të vitit 2023, i cili garanton mijëra punësime për komunitetin e qytetit. Gjithashtu, nëpërmjet hapsirës së tij mediatike në Televizionin SOT7, promovon vlerat e qytetit dhe garanton informacionin për Pogradecarët dhe jovetëm. Gjithashtu ai çdo fundvit bën donacione të pakove ushqimore për mijra familje. Pogradecipress.al e konsideron z. Fezollari një ndër personat e vitit 2023 në qytet.
10- Ermira Babaliu
Ermira Babaliu është një ndër artistet ikonë të Pogradecit e cila nëpërmjet artit promovon qytetin dhe vlerat e tij edhe përtej oqeanit. Gjatë vitit 2023 nëpërmjet një koncerti, ajo riktheu në qytet për të promovuar artistët e rinj si Xhoni Jesku, Alba Dajlani dhe Erina Seitllari. Pogradecipress.al edhe nëpërmjet popullaritetit konsideron që Babaliu të jetë një ndër personazhet e vitit 2023.
11- Anastas Kostandini (Taso)
Anastas Kostandini i njohur si TASO, nëpërmjet artit të pikturës ndër vite ka promovuar qytetin e Pogradeci, ku ka çelur ekspozita personale edhe në qytete apo shtete të tjera. TASO njihet si një ndër personat identifikues të qytetit tonë. Gjithashtu ai është një ndër intelektualët më të rëndësishëm të Pogradecit. Padyshim Pogradecipress.al e ka përzgjedhur si personazh të vitit 2023
12- Pandeli Pasko
Pandeli Pasko i biri i shkrimtarit të madh Mitrush Kutelit është një ndër figurat më të rëndësishme, që nëpërmjet përhapjes së veprës së të atit ka promovuar qytetin e Pogradecit. Botimi “Tregime të Moçme Shqiptare” i Mitrushit së fundmi është përkthyer në gjuhën Italiane falë vendosmërisë dhe dëshirës së Pandeli Paskos, ky botim zbulon më tepër vlerat e zonës sonë, për këtë arsye Pogradecipress.al e konsideron atë si një personazh të vitit 2023.
13- Arnold Geiger
Arnold Geiger është drejtuesi i Fondacionit “Nehemia”, një fondacion ky shumë vjeçar i vendosur në qytetin e Pogradecit dhe i cili ofron mbështetje për familjet në nevojë dhe për komunitetin e Pogradecit edhe më gjerë. Gjithashtu Geiger ka promovuar qytetin duke lidhur ura bashkëpunimi me institucione apo fondacione të tjera. Pogradecipress.al e konsideron atë si një ndër personazhet e vitit 2023.
14- Ilir Shyta
Ilir Shyta është pedagog dhe gazetar i njohur në qytetin e Pogradecit dhe më gjerë. Nëpërmjet veprimtarisë së tij përgjatë vitit 2023, ka promovuar qytetin e Pogradecit. Nga botimet apo publikimet të tij, Dr. Ilir Shyta ka nxjerrë në pah studime mbi autorët pogradecar dhe ka zbuluar më tepër mbi veprat e tyre. Pogradecipress.al për këtë arsye e konsideron atë si një ndër personazhet e vitit 2023.
15- Luan Topçiu
Luan Topçiu është Akademik Shqiptar, i cili jeton dhe punon në shtetin e Rumanisë. Prej vitesh ai ka dhënë kontribute të vazhdueshme në promovimin e Pogradecit, nëpërmjet lobeve akademike, artistike, gjithashtu edhe nëpërmjet mediave në vendin ku jeton. Ndërkaq Topçiu është një aktor i rëndësishëm në komunitetin Shqiptar në Rumani. Pogradecipress.al e konsideron Luan Topçiun si një ndër personazhet e vitit 2023.
