Sokol Mjacaj, i dënuar me burgim të përjetshëm në burgun e Sigurisë së Lartë në Peqin, për vrasjen e dy turistëve çekë në Shkodër, ka qëlluar me armë zjarri ndaj dy të dënuarve të tjerë.
PEQIN– Sokol Mjacaj, i dënuar me burgim të përjetshëm në burgun e Sigurisë së Lartë në Peqin, për vrasjen e dy turistëve çekë në Shkodër, ka qëlluar me armë zjarri ndaj dy të dënuarve të tjerë.
Burime paraprake bëjnë me dije se Sokol Mjacaj, ka qëlluar me armë zjarri Arben Lleshin, i cili ka ndërruar jetë në spital dhe ka lënë të plagosur Ilir Xhakjan. Dyshohet se Sokol Mjacaj është paguar për të kryer vrasjen, ndërsa burime të tjera mësojnë se arma i është dërguar nëpërmjet një droni.
Nuk raportohet për efektivë apo gardianë të plagosur. Ndërkohë drejt burgut të Peqinit kanë shkuar forca policore për përforcime, si dhe drejtori i Policisë së Shtetit Muhamet Rrumbullaku.
