Barleti Volej – Skënderbeu 1-3
(17-25, 20-25, 25-22, 20-25)
Në tre ditë resht Skënderbeu shënon 3 fitore radhazi. Volejbollistet korçare, kanë përballuar më së miri tre ditët me ngarkesë të madhe në kryeqytet, teksa pak momente më parë ka përfunduar në “Asllan Rusi” të kryeqytetit ndeshja Barleti Volej-Skënderbeu 1-3.
Kjo ishte fitorja e tretë në tre ditë me radhë.
Në ditën e parë Skënderbeu mposhti 3-1 Skënderaj skuadrën kosovare për Ligën “Gjergj Kastrioti”.
Ditën e djeshme Skënderbeu fitoi një ndeshje shumë dramatike 3-2 ndaj Prishtinës ’75, ndërkohë që sot shënoi edhe fitoren e tretë.
Në kryeqytet Skënderbeu luajti ndaj Barleti Volej, në përballjen e Kupës së Shqipërisë dhe edhe për Kupë Skënderbeu është i papërmbajtshëm.
Dy setet e para flasin për Skënderbeun që i fiton 17-25 dhe 20-25. Setin e tretë lodhja bëri punën e vet dhe Skënderbeu lëshon, ndërkohë që Barleti Volej fiton 25-22 në pikët e fundit. Setin e katërt vajzat korçare nuk falin dhe e mbyllin 20-25 në favorin e tyre dhe krejt ndeshjen 1-3.
Pas fitores së sotme Skënderbeu po kthehet në Korçë, pas tre ndeshjeve radhazi që luajti në kryeqytet.
Urime vajzave!
Urime trajnerëve Koja dhe Haxhillari!
