Korça Boom
Skënderbeu – Erzeni 1-0
Shënues: Franklin 29’
Skënderbe: Alia, Ramos, Prençi, Rabiu (Pecani 91’), Lika (Djantu 83’), Liço, Nikaj, Franklin, Frashëri, Randi, Shaqe (Zeullari 83’). Trajner: Ivan Gvozdenoviç
Erzeni: Hasanbelli, Kacbufi (Meçja 46’), Maliqi (Osmanllari 74’), Kahrimanoviç, Zeka, Sadiki, Alba, Rodrigo, Peposhi, Mihana, Atanda. Trajner: Kujtim Shtama
Gjyqtarë: Olsion Yzeiraj, Alfred Shkreta, Edlir Malo
Kartonë të verdhë: Nikaj, Lika, Shaqe, Frashëri, Randi / Mihana, Peposhi
Skënderbeu ashtu si edhe kishte premtuar, ka arritur të fitojë ndaj Erzenit. 1-0 për korçarët, por ishte fitore me vlerën e më shumë se tri pikëve. Themi më shumë, pasi me 21 pikë në renditje Skënderbeu ka barazuar Tiranën e vendit të 3-të në renditje.
Pjesa e parë në stadiumin “Skënderbeu” u mbyll me fitoren e vendasve 1-0. Goli i Franklin në minutën e 29-të mbeti në fuqi në 45 mniutat e para.
Deri në momentin e golit nuk ka pasur ndonjë rast ideal, teksa në të 29-ën zgjohen futbollistët vendas me anë të Franklin që për meritë individuale shënon edhe golin e avantazhit.
Pas shënimi të golit Skënderbeu tregohet i kujdesshëm, ndërkohë që Erzeni përpiqet të shikojë më shumë në vijën e parë të sulmit, por pa arritur të jetë i rrezikshëm në portën e Alia.
Përfundimisht 1-0 për Skënderbeun kjo pjesë e parë me një gol që i dërgon më të qetë bardhekuqtë në dhomat e zhveshjes.
Në pjesën e dytë në momentet e para pati tension, pasi miqtë pretendonin që duhet të kishte Fair-Play dhe u deshën 5 kartonë të verdhë të nxirreshin nga xhepi i gjyqtarit për të qetësuar momentet e tensionit.
Në të 63-ën minutë Skënderbeu kishte rast të pastër për të shënuar, por Shaqe nuk e çon dot topin në kuadrat.
Pak raste në këtë pjesë të dytë, teksa Liço për pak sa nuk shënon, 16-të minuta para fundit.
Peposhi i vetmi rrezik për miqtë 4 minuta para fundit, por shumë pak për Erzenin.
Rastin e fundit e kishte Pecani, por që ka pritur portieri shijakas.
Përfundimisht 1-0 për Skënderbeun. Një fitore shumë e rëndësishme dhe me vlera, pasi Skënderbeu shkëputet nga skuadrat e tjera dhe qëndron atje me Tiranën e vendit të tretë baraz me pikë, plot 21 të tilla.
Minutat e pjesës së parë
3’ – Një top i gjatë nga prapavija e Skënderbeut për te Franklin që për pak sa nuk rrezikon në zonë, por ndërhyn në kohë portieri shijakas.
9’ – Lika për Skënderbeun në krahun e djathtë, as kros dhe as gjuajtje edhe pse ishin 3 lojtarë të Skënderbeut në zonën mike.
17’ – Agim Zeka për Erzenin në një goditje dënimi gjuan me të djathtën dhe topi përfundon ngjitur me shtyllën e majtë pingule të portierit Alia.
25’ – Randi gjuan pas disa kombinimeve me 2-3 lojtarë në mënyrë të gabuar dhe topi shumë mbi traversë.
27’ – Nikaj bën gjithçka vetë në krahun e majtë edhe pse e tepron me topin, gjen hapësirë, gjuan, por vetëm goditje nga këndi për Skënderbeun.
29’- Është Franklin që bën gjithçka vetë në zonë dhe gjuan duke e dërguar topin në rrjetë. 1-0 për Skënderbeun.
38’ – Dean Liço në një goditje dënimi gjuan dhe topi largohet në momentin e fundit nga mbrojtësit e Erzenit.
43’ – Peposhi për miqtë provon me një gjuajtje të rrezikshme dhe është Alia shpëtimtari që e grushton topin në këndore.
45’ – Randi, një rast ideal për Skënderbeun, gjuan dhe grushton portieri mik, më pas prek shtyllën dhe këndore.
Minutat e pjesës së dytë
49’-51’ – Pak më shumë se dy minuta ndërprerje, teksa Lika ka qenë i vetëm pas rivënies anësore, gjuan dhe jashtë, ndërkohë që Erzeni dëshironte Fair Play dhe u turrën drejt gjyqtarit. Pas momentit të sherrit, ndërshkohen 5 lojtarë me të verdhë, tre për Skënderbeun, dy për Erzenin.
63’ – Rast ideal për Skënderbeun. Lika në një goditje dënimi e çon topin në zonë te Shaqe që gjuan me gjysmë rafishate, por jashtë.
74’ – Dean Liço për pak sa nuk shënon golin e dytë. Gjuan me kokë dhe topi devijohet në momentin e fundit nga shijakasit në këndore.
86’ – Peposhi gjuan me kokë dhe pret në pozicion portiari Alia.
92’ – Pecani bën një gjuajtje të lehtë dhe pret portieri mik.
