Shërbimet e Stacionit të Policisë Kufitare Qafë Thanë, në dalje të Republikës së Shqipërisë, ndaluan shtetasin e shpallur në kërkim Benon Dollija., 59 vjeç, banues në Elbasan, të cilit Gjykata e Shkallës së Parë e Juridiksionit të Përgjithshëm Elbasan i ka caktuar masën e sigurisë “Arrest në burg”, për veprën penale “Mashtrimi”, me pasoja të rënda. Veprimet e mëtejshme procedurale do të kryhen nga specialistët për Hetimin e Krimeve Ekonomiko-Financiare të DVP Elbasan.
Burime bëjnë të ditur se arrestimi i 59 vjeçarit është bërë menjëhërë pas paraqitjes së dokumentacionit tek kontrollori Shqiptar në doganën e Qafë Thanës. Në momentin e arrestimit ai ka qënë i shoqëruar me disa persona të tjerë në mjetin të cilin e drejtonte vetë. Në momentet e kontrollit dhe rregjistrimit në sitemin TIMS, ka rezultuar se Benon Dollija ishte shpallur në kërkim nga Gjykata e Elbasanit. I menjëherëshëm ka qënë dhe reagimi policisë, të cilët kanë bërë menjëhërë arrestimin. Dollija po udhëtonte drejt Maqedonisë së Veriut në momentin e ndalimit.
