Burimi; Korça Boom
Skënderbeu – Teuta 3-1
Shënues: Franklin 13’, Liço 37’ (11-m), Rashica 83’ / E. Peposhi 73’
Skënderbeu: Alia, Prençi, Ramos, Randi, Frashëri, Rabiu, Zenullari (Shaqe 85’), Liço, Nikaj, Rashica (Lika 85’), Franklin (Merlim 64’). Trajner: Ivan Gvozdenoviç
Teuta: Dema, Kruja, Jazxhi, Qaqi, Kotobelli, Beqja, Daja (E. Peposhi 46’), Karabeci, Boçi (A. Peposhi 73’), Gjinollari (Gjumsi 46’), Daci. Trajner: Edi Martini
Kartonë të verdhë: Nikaj (2) / Qaqi, Jazxhi
Karton i kuq: Nikaj
Skënderbeu e kishte “gatuar” fitoren ndaj Teutës dhe erdhi. “Ujqërit” rikthehen më së fundi te 3-pikëshi pas plot 55 ditësh. Festë sot te Skënderbeu pas kësaj fitoreje vërtet me “shpirt” dhe “zemër në dorë”.
3 gola për 3 pikë kanë shënuar djemtë e trajnerit Ivan Gvozdenoviç, teksa Franklin, Liço dhe Rashica, janë tre golashënuesit e Skënderbeut.
Në pjesën e parë Skënderbeu ka qenë në avantazh të 2 golave me meritë, pasi ka shënuar.
Deri në minutën e 13-të loja ka qenë e kujdesshme nga të dy ekipet, ndërkohë që pikërisht në minutën e 13-të ka qenë Franklin që shënon golin e avantazhit dhe ngre peshë tifozët e pranishëm në stadium, duke kaluar Skënderbeun në avantazh. Ka qenë një kros nga krahu i majtë ku Franklin me kokë e dërgon topin në rrjetë.
Ka qenë autori i golit Franklin që pas kësaj minute ka edhe dy raste të tjera deri në minutën e 30-të, por pa arritur të shënojë.
Në minutën e 37-të Skënderbeu do të fitonte edhe një 11-metërsh me anë të Ramos, ndërkohë që ka qenë i saktë nga 11 metra larg Dean Liço, që e dërgon topin në rrjetë duke shënuar edhe golin e dytë.
Për të ardhur keq që në harkun kohor të 1 minute Ardit Nikaj ndërshkohet me dy kartona të verdhë dhe më pas me karton të kuq.
Pjesa e dytë nis e qetë nga korçarët pasi janë me një lojtar më pak, ndërkohë që miqtë kërkojnë më shumë në sulm, pasi janë me një lojtar më shumë.
Vetëm një shtyllë e goditur nga miqtë në këtë pjesë të dytë është shumë pak, ndërkohë që kjo lojë i shkon për shtat Skënderbeut që do ta mbyllë sa më parë ndeshjen me këtë rezultat, pasi ndodhet me 10 futbollistë në fushë pas daljes me të kuqe në pjesën e parë të Ardit Nikaj.
Pas minutës së 65-të Teuta e kërkon më shumë golin dhe e gjen në minutën e 73-të me anë të Peposhit, duke futur tashmë në emocione të mëdha ndeshjen deri në minutën e fundit.
Gjithsesi Skënderbeu zgjohet pas kësaj minute dhe 7-të minuta nga fundi është Rashica që nuk mund të qëndronte pa shënuar dhe shënon të 3-in dhe mbyll krejt ndeshjen me rezultatin 3-1. Një fitore e madhe kjo e Skënderbeut, pasi ngjitet në kuotën e 17-të pikëve në vendin e 4 në tabelën e klasifikimit.
Minutat e pjesës së parë
4’ – Ka qenë Daci për miqtë që ka lëshuar një top diagonal në portë dhe portieri Alia pret pa problem.
13’ – Është Skënderbeu që zbret rrezikshëm, atje ku Franklin pas një krosi nga e majta e godet saktë me kokë dhe topi prehet në rrjetë. 1-0 për Skënderbeun.
22’ – Është sërish Skënderbeu që për pak sa nuk shënon edhe golin e dytë. Këtë herë pas topit të Rashicës në zonë Franklin bën më të vështirë gjuan jashtë.
27’ – Po Franklin një nga më të mirët për Skënderbeun nuk arrin të gjuajë në zonë edhe pse kishte një rast të artë.
29’ – Goditje këndi për Skënderbeun. Është Liço për pak sa nuk shënon, por topi devijohet në momentin e fundit në këndore.
37’ – Ramos për Skënderbeun fiton një 11 metërsh, teksa është Liço që merr inisiativën nga pika e bardhë dhe gjuan saktë, duke shënuar edhe golin e dytë për Skënderbeun.
Minutat dhe rastet e pjesës së dytë
51’ – Goditje këndi për Skënderbeun. Është Liço që kroson në zonë dhe Prençi gjuan me kokë, por jashtë.
69’ – Peposhi gjuan dhe largon topin Ramos.
73’ – Është Peposhi për miqtë që në gjuajtje pa shumë pretendime shikon që topi prehet në rrjetë dhe 2-1.
77’ – Goditje dënimi për Skënderbeun. Gjuan Merlim, por largojnë mbrojtësit miq.
79’ – Janë durrsakët që rezikojnë, por Alia është shpëtimtar.
81’ – Është Skënderbeu që ka një rast të artë për të shënuar edhe golin e tretë. Rashica gjuan dobët në zonë edhe pse kishte mundësi të shkëlqyer shënimi.
83’ – Është Rashica që këtë herë nuk fal duke shënuar edhe golin e tretë dhe duke bërë që Teuta të “kapitullojë”.
