Mirëmbajtja dimërore e rrugëve turistike dhe evitimi i problematikave të konstatuara gjatë vitit të kaluar në veçanti në zonën turistike Dardhë kanë qenë në fokusin kryesor të një takimi që Prefekti Nertil Jole ka zhvilluar sot me përfaqësues të bashkisë Korçë, Shefin e Qarkullimit Rrugor, Drejtorin e Drejtorisë së Rajonit Qendër-Lindje, si dhe përfaqësues të biznesit që administrojnë Ski-Pista Bigëll.
‘Edhe për periudhën dimërore ky atraksion turistik do jetë destinacion i mjaft vizitorëve e turistëve vendas e të huaj, kryesisht përgjatë fundjavave.
Në këtë kuadër theksova rëndësinë e bashkëpunimit për të lehtësuar qarkullimin e automjeteve si dhe gjetjen e mundësive të shtuara për parkimin e tyre, pasi shpeshherë krijojnë vështirësi e problematika edhe për banorët dhe bizneset e zonës’ bën me dije reth këtij takimi Prefekti Nertil Jole.
