Korça dhe Pogradeci dy nga destinacionet e preferuara të turistëve vendas por edhe të huaj për të kaluar natën e ndërrimit të viteve. Fluksi i shtuar i turistëve sidomos ditën e sotme ka krijuar trafik në të dyja këto qytete.
Trafiku brënda në qytet është kilometrik ndërsa policia e Korçës është angazhuar në terren për të bërë të mundur një qarkullim sa më të lehtë edhe pse sot dhe nesër do të jetë shumë e vështirë për shkak të dyndjes së madhe të turistëve që kanë zgjedhur qytetet juglindore.
Sipas informacioneve të gjitha kapacitetet akomoduese janë zënë 100% dhe nesër këto qytete do të shëndrrohen në epiqëndrën e festimeve, për të pritur ndërrimin e viteve. Sakaq ju bëhet thirje qytetarëve të shmangin lëvizjet e panevojshme në qytet për të shmangur këtë trafik dhe kaos.
