- Advertisement -
Specialistët për Hetimin e Krimeve të Komisariatit të Policisë Pogradec referuan materialet në Prokurori, ku filloi procedimi penal për shtetasin E. H., 32 vjeç, banues në fshatin Hudënisht, Pogradec, pasi gjatë kontrollit në lokalin e tij, u gjet një peshore elektronike me mbetje të lëndës së dyshuar narkotike kokainë. Gjithashtu, gjatë kontrollit të dy celularëve të 32-vjeçarit, u gjetën faqe aktive për baste sportive. Nga verifikimet rezultoi se 32-vjeçari ushtronte aktivitetin në lokal, pa e regjistruar në organet tatimore. Peshorja elektronike dhe 2 celularët u sekuestruan në cilësinë e provës materiale.
