- Advertisement -
Siguria e aksit rrugor Qukës–Qafë Plloçë, i cili pësoi dëmtimet e para ditën e djeshme, është vënë në dyshim nga drejtuesit e mjeteve që udhëtojnë nga Shqipëria e Mesme drejt juglindjes. Pas incidentit, shumë automjete i janë rikthyer rrugës së vjetër, duke sjellë trafik të rënduar në qytetin e Pogradecit.
Sot, vonesat në qarkullim kanë kaluar mbi 40 minuta, duke krijuar pakënaqësi te drejtuesit e mjeteve. Që nga hapja e këtij aksi të ri, ngarkesa e trafikut në Pogradec ishte lehtësuar ndjeshëm, por mjaftoi një rrëshqitje masivi për të detyruar qarkullimin të rikthehej sërish në itinerarin e mëparshëm.
