Korçë/ Nuk gjeti paratë e mbajtura në banesë, 50-vjeçari: “Mi kanë vjedhur…”

Një 50-vjeçar ka kallëzuar në polici mungesën e një shume të madhe parash nga banesa e tij në fshatin Kamenicë të Korçës.
Sipas burimeve zyrtare, shtetasi A. S., 50 vjeç, ka deklaruar se nuk banonte prej një viti në këtë banesë, ndërsa ditën e djeshme ka konstatuar se paratë mungonin.
Policia bën me dije se materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për vlerësim dhe veprime të mëtejshme.

Deklarata e Policisë së Shtetit
Drejtoria Vendore e Policisë Korçë
Komisariati i Policisë Korçë
Dje, ka kallëzuar shtetasi A. S., 50 vjeç, se ka konstatuar mungesën e një shume parash në banesën e tij, në fshatin Kamenicë, ku nuk banon prej 1 viti.
Materialet për këtë rast u referuan në Prokurori, për vlerësim.