Një administratore biznesi në Korçë është proceduar penalisht pasi nga pakujdesia la hapur një rubinet uji, duke shkaktuar dëme në një biznes ngjitur.
Ndërkohë, një 62-vjeçar nga fshati Turan ndezi zjarr pa kujdes, duke djegur një sipërfaqe me bimësi.
Në aksin rrugor “Maliq–Korçë”, policia bllokoi një mjet që transportonte 18 m³ lëndë drusore të prerë në mënyrë të paligjshme. Shoferi, një 32-vjeçar nga Lozhani, do të përballet me akuzat për shkelje të ligjit mbi pyjet.
Komunikata e policisë:
Janë proceduar: “Xh. E., 36 vjeçe, administratore biznesi, pasi nga pakujdesia ka lënë hapur një rubinet uji… K. H., 32 vjeç, banues në Lozhan, pasi në aksin rrugor ‘Maliq-Korçë’ është kapur duke transportuar 18 m³ lëndë drusore të prerë në kundërshtim me ligjin… J. M., 62 vjeç, banues në Turan, pasi nga pakujdesia ka ndezur zjarr, duke u djegur një sipërfaqe toke me bimësi.”
