Për të 18-tin vit radhazi në qytetin e Maliqit u zhvillua Panairi i ëmbëlsirave, një aktivitet tashmë i kthyer në traditë, që mbledh së bashku amvisat e zonës, fermerët, blegtorët dhe bletërritës.
Stendat e mbushura me ëmbëlsira të larmishme dhe gatime tradicionale u bënë atraksioni kryesor i panairit, ku vizitorët patën mundësinë të shijonin produktet e përgatitura me mjeshtëri nga amvisat pjesëmarrëse.
Krahas tyre, nuk munguan as prodhimet e freskëta të fermerëve dhe produktet e bletarisë, duke e pasuruar edhe më shumë aktivitetin.
Organizuar nga Bashkia Maliq,aktiviteti ka për qëllim promovimin e prodhimeve vendase dhe krijimin e hapësirave për tregtimin e tyre.
Viti pas viti,kjo festë po pasurohet me elementë të rinj, duke u shndërruar jo vetëm në një aktivitet lokal por edhe në një atraksion që synon të tërheqë vizitorë nga qytete të tjera të vendit.
