Një aksident rrugor është regjistruar në aksin nacional “Korçë-Pogradec”, ku një i ri 18-vjeçar ka humbur kontrollin e motomjetit dhe është aksidentuar rëndë. Ngjarja ndodhi në afërsi të fshatit Gështenjas, ndërsa i riu, me inicialet B. R., është dërguar me urgjencë për ndihmë mjekësore në Spitalin e Traumës në Tiranë.
Sipas njoftimit zyrtar të Policisë, materialet u referuan në Prokurori dhe ndaj të riut ka nisur procedimi penal.
Deklarata e plotë e Policisë:
B. R., 18 vjeç, banues në fshatin Gështenjas, pasi në aksin rrugor ‘Korçë-Pogradec’, duke drejtuar motomjetin, ka humbur kontrollin mbi drejtimin e tij dhe për pasojë motomjeti ka dalë nga rruga. Nga aksidenti është dëmtuar 18-vjeçari, i cili po merr ndihmë mjekësore në Spitalin e Traumës.”*
Policia po vijon hetimet për zbardhjen e plotë të rrethanave të aksidentit.
