Ulja e pages se grupit, mësuesit në Korçë
Kryetari i Sindikatës së Arsimit në Korçë, Leonard Trebicka, ka deklaruar se 350 mësues të arsimit parashkollor në këtë qark janë prekur nga ulja e pagës së grupit të mësuesve pas rritjes së pagave në korrik 2024.
Sipas tij, ulja e pagës është e konsiderueshme, duke arritur deri në 10 mijë lekë të rinj.
Edhe pas dy takimeve mes sindikatës, federatës dhe Ministrisë së Arsimit, nuk është marrë asnjë masë konkrete për të ndryshuar këtë situatë.
Për të shprehur pakënaqësinë dhe për të kërkuar zgjidhje, Trebicka ka shpallur 31 marsin si afatin e fundit. Pas kësaj date, të gjithë mësuesve do t’u bëhet thirrje për grevë, duke nënvizuar se rreth 6,500 mësues në të gjithë Shqipërinë po përballen me të njëjtën problematikë.
