- Advertisement -
Dy ditë më parë, këshilltari i Këshillit Bashkiak Arbër Male ka denoncuar situatën e mjerueshme në varrezat e qytetit, ku nuk kishte asnjë lloj mirëmbajtje. Por menjëhërë pas denoncimit të Males, Bashkia “është përveshur” për të larguar kapicat me mbetje, në rrugicat e varrezave.
Situata e menaxhimit të varrezave të qytetit, vijon prej kohësh të mos administrohet siç duhet, edhe pse në vit mblidhen nga qytetarët Pogradecar 12.774.600 lekë tarifa vendore, por siç shihet “qyteti i të fjeturve” është shumë larg interesave të të zgjedhurve vendor, pasi ata nuk mund të votojnë.
