Java e 10 e Superiores, që nis fazën e dytë, do të ketë ndeshje shumë interesante, duke pasur parasysh ngjeshjen e ekipeve në tabelë ku çdo pikë e fituar mund të ndryshojë gjithçka në panoramën e kampionatit.
Sipas planit të FSHF-së, ndeshjet e kësaj jave nisin që të premten, me tre sfida që luhen në këtë ditë. Dy të parat janë ato të drekës, Bylis-Teuta dhe Egnatia-Dinamo. Ndërsa më vonë pasdite luhet Tirana-Laçi, me stadiumin ende për t’u përcaktuar.
Sa i përket ndeshjeve të së shtunës, Elbasani pret Skënderbeun në fushën e vet, teksa java mbyllet me duelin shumë interesant mes Vllaznisë dhe Partizanit, dy nga skuadrat pretendente për titullin në këtë edicion.
JAVA 10
E premte (25.10.2024)
ORA 14:00 Bylis-Teuta
ORA 14:00 Egnatia-Dinamo
ORA 17:00 Tirana-Laçi
E shtunë (26.10.2024)
ORA 17:00 Elbasani-Skënderbeu
ORA 19:30 Vllaznia-Partizani
