- Advertisement -
Një aksident është shënuar pak minuta më parë në aksin Lin-Pogradec, në afërsi të fshatit Pojskë, ku një automjet me targa të Greqisë, për shkak të prezencës së ujit në rrugë, duket se ka humbur kontrollin dhe është përplasur me trafikndarësen.
Sipas informacioneve, janë regjistruar vetëm dëme materiale, ndërsa policia po punon për zbardhjen e shkaqeve të aksidentit. Ky është aksidenti i disatë që ndodh në këtë rrugë, ku vetëm 2 ditë më parë, dy automjete u përplasën me njëra-tjetrën, duke lënë të plagosur tre shtetas.
