Shoqata “Miqtë e Verës së Kuqe” ka organizuar takimin e radhës në Pogradec, ku dashamirës të verës bëhen bashkë dhe provojnë produkte shqiptare të verës.
Këtë herë, në qendër të vëmendjes ishte Kantina Caco, e cila ndodhet në Grabovicë të qytetit të Pogradecit — një kantinë familjare që merret me prodhimin e verës që nga fillimi i procesit e deri te produkti përfundimtar.
Një nga pjesëtarët e familjes Caco Erson Caco, na tregon se çfarë e bën të veçantë verën që ata vetë prodhojnë, duke vënë theksin se lënda bazë merret nga varietetet vendase.
Ndërkaq, i ftuar në këtë aktivitet ishte edhe Arben Kruda, i cili ndan eksperiencën e tij, si dhe shijen fantastike të verës “Harmonia”.
Kantina Caço prej vitesh tashmë e ushtron këtë aktivitet të veçantë familjar, ndërsa produktet e saj gjenden në shumë restorante dhe eksportohen në vende të ndryshme të botës.
