Selca e Poshtme dhe varret monumentale ilire po kthehen gjithnjë e më shumë në një nga atraksionet më të rëndësishme historike jo vetëm në Shqipëri, por edhe në gjithë rajonin e Ballkanit.
Në një publikim në rrjetet sociale, kryetari i Bashkisë Pogradec, Ilir Xhakolli, ka ndarë disa pamje nga vizitat e fundit të grupeve turistike në këtë zonë, duke theksuar vlerën e madhe kulturore e arkeologjike që mbart siti i njohur i Selcës.
Në fotot e publikuara, shihen turistë vendas dhe të huaj që eksplorojnë varret monumentale të skalitura në shkëmb, një trashëgimi e rrallë e qytetërimit ilir që daton prej shekujsh. Xhakolli shkruan se Selca e Poshtme është një ndër destinacionet më të rëndësishme historike në vend, e cila po tërheq gjithnjë e më shumë vizitorë nga Shqipëria dhe nga vendet e tjera të Ballkanit.
Ky destinacion, pjesë e zonës arkeologjike të Pogradecit, konsiderohet një nga dëshmitë më të çmuara të kulturës dhe arkitekturës së lashtë ilire, që dëshmon për historinë e hershme dhe identitetin kulturor të rajonit.
Kryebashkiaku Xhakolli, shkruan:
Selca e Poshtme dhe varret monumentale ilire janë një nga atraksionet më të rëndësishme historike jo vetëm në Shqipëri, por edhe në Ballkan, duke tërhequr vizitorë nga e gjithë bota.
Turistët gjermanë, gjithmonë besnikë dhe të apasionuar pas trashëgimisë sonë kulturore, zgjodhën këtë fundjavë të vizitojnë Varret Monumentale të Selcës së Poshtme
#BashkiaPogradec#TrashëgimiKulturore#VarretMonumentale
