Kreu i grupit parlamentar të Partisë Socialiste dhe drejtuesi politik i qarkut Korçë Niko Peleshi, ka ndarë sot një mesazh përmes një postimi në rrjetet sociale, ku ka nënvizuar angazhimin e ekipit socialist në Korçë për fitoren në zgjedhjet e 11 majit.
“Me skuadrën socialiste në #Korçë, angazhim dhe përkushtim maksimal për fitoren e 11 majit! Prioritet i rëndësishëm, regjistrimi i #Diasporës duke garantuar që çdo shqiptar, kudo ndodhet, të kontribuojë me votën e tij në të ardhmen e vendit,” shkruan Peleshi.
Ky mesazh vjen në një moment kur Partia Socialiste po intensifikon përpjekjet për mobilizimin e mbështetësve brenda dhe jashtë vendit. Një nga prioritetet e theksuara nga Peleshi është procesi i regjistrimit të diasporës, i cili synon të sigurojë pjesëmarrjen e çdo shqiptari në votime, pavarësisht vendndodhjes së tyre.
